انطلاق روتانا كلاسيك 15 مايو الجاي

اعلنت ادارة قنوات روتانا ان قناة روتانا كلاسيك الجديدة هتبدأ البث بتاعها يوم 15 مايو الجاي علي تردد 11298 علي نايل سات و 11843 علي عرب سات بمجموعة من المفاجأت ، ومنها احتفالية ضخمة بالنجم العالمي عمر الشريف سواء العربي او الاجنبي ،ده غير المسرحيات والافلام الاجنبية الكلاسيكية واللي بتعرضها فنوات روتانا لاول مرة ، ده غير السهرة اليومية مع الست ام كلثوم ..
وهيختلف الجزء الاول من السهرة كل يوم، فليلة السبت هتكون مع فيلم اجنبي من افلام الويسترن الامريكي، اما الاحد فهتكون مع فيلم عربي قديم من الكلايسكيات وااللي تم تلوينه ، اما يوم الاتنين هيكون مع فيلم عالمي مش امريكي ولا عربي ، يوم الثلاثاء هيكون مع الافلام العربية النادرة ، ويوم الاربعاء هيكون لافلام الويسترن ،أما الخميس مع الافلام العربي الذهبية ،يوم الجمعة هتكون ليلة موسيقية مع فيلم موسيقي .
ده غير ان القناة هتعرض مسلسل امريكي اسمه Dynasty مترجم للعربي كل يوم الساعة 5:30 بتوقيت السعودية وهو بطولة جون فورسيث و ليندا ايفانز وجون كولينز وعدد حلقاته 217 حلقة . اما المسلسل العربي فهيكون محمود المصري للنجم محمود عبدالعزيز واللي هيتعرض يوميا الساعة 6:30 بتوقيت السعودية ..... يذكر ان قناة روتانا كلاسيك هي هتكون البديلة لقناة روتانا زمان .